Израилдин Газага кол салуулары...

Израилдик учактардын Газа тилкесинин түндүгүндөгү Газа шаарындагы эки башка пунктка абадан кол салууларынан эң аз 68 кишинин каза болгону белгиленди.

Палестинанын расмий агенттиги WAFAнын кабарына караганда, Израилдин согуштук учактарынын Газа шаарынын борбордук бөлүгүндөгү Аз-Зейтун кварталына кол салуусунан 48 палестиналык каза болуп, ондогон киши жараланды.

Аль-Акса университетинин жанындагы дагы бир кол салууда 20 киши каза болуп, көп сандаган киши жараланды.

Израиль армиясынын Газага кол салууларында каза болгондордун саны 21 миң 822ге жетти, жаракат алгандардын саны да 57 миңге жетти.

Саламаттыкты сактоо министрлигинин Газадагы жазуу түрүндөгү билдирүүсүндө Израилдин Газа тилкесине 86 күндөн бери уланып жаткан кол салуулары тууралуу маалымат берилди.

Билдирүүдө Израиль күчтөрүнүн акыркы 24 саатта Газа тилкесинде дагы 150 палестиналыкты өлтүрүп, 286 палестиналыкты жарадар кылганы белгиленди.

Израилдин Газадагы кол салууларында 7-октябрдан бери каза болгон палестиналыктардын саны 21 миң 822ге, жаралуулардын саны 56 миң 451ге жеткени белгиленди.

Палестиналык каршылык көрсөтүү кыймылы ХАМАСтын куралдуу канаты болгон Иззеддин ал-Кассам бригадалары Израилдин палестиналыктарга жана алардын ыйык баалуулуктарына, өзгөчө Аль--Акса мечитине каршы тынымсыз бузууларына жооп кылып, 7-октябрдын таңында кеңири чабуулду баштаган, Израиль армиясы да Газа тилкесине кол салууларын баштаган.

Израиль 7-октябрдагы кол салууларда 1200 израилдик өлүп, 5132 киши жаракат алганын жарыялады.

Израил армиясы 7-октябрдан бери 504 аскери каза болгонун жарыялады.

Кагылышуудагы «гуманитардык тыныгуу» учурунда 81 израилдик жана 240 палестиналык туткун өз ара бошотулган.