Францияда 20 түрк деңизчи эвакуацияланды

Франциянын Бретань аймагынын жээктеринде өрттүн кесепетинен мотору жарактан чыккан кемеден 20 түрк деңизчи куткарылды.

Улуттук басма сөздө орун алган кабарларга караганда, Бретандын Пенмарч шаарынын жээгинде кечээ Панама желектүү «Гуана» аттуу кемедеги техникалар өрттөндү.

Өрттөн улам кеменин мотору жараксыз абалга келди.

Моторду оңдоо мүмкүн болбогондуктан 150 метрлик кеменин экипажы оор абалда калды.

Атлантика деңиз губернаторлугунун билдирүүсүнө караганда, кемедеги 20 түрк деңизчинин бир бөлүгү аба, бир бөлүгү деңиз аркылуу эвакуацияланды.

Тик учак менен эвакуацияланган 14 түрк деңизчи кечээ жергиликтүү убакыт боюнча саат 23:00 чамасында Ланвеок-Пулмик деңиз аба базасына жеткирилди.

Калган 6 түрк деңизчи болсо Франциянын Брест шаарына бара жаткан Испаниянын «Esperanza del Mar» аттуу кемесине отургузулду.

«Абейл Бурбон» аттуу буксирлик кеме түн ичинде «Гуана» кемесине жакындады.

Кемени бүгүн Брестке жеткирүү пландаштырылууда.

«Гуана» кемесинин Түркияга темир бөлүктөрүн алып бара жатканы айтылды.

Дипломатиялык булактар, ​​Түркиянын Нант башкы консулдугунун 20 түрк деңизчинин абалы боюнча Франциянын жергиликтүү бийликтери менен байланышта экенин маалымдады.