Израилдин Батыш Шериадагы рейддери
Палестинанын Саламаттыкты сактоо министрлигинен темага байланыштуу жазуу түрүндөгү билдирүү жасалды.
Оккупациядагы Батыш Шериада Израиль аскерлеринин ок атуусунан бирөө бала эки палестиналык каза тапты.
Палестинанын Саламаттыкты сактоо министрлигинен темага байланыштуу жазуу түрүндө билдирүү жасалды.
Билдирүүдө 17 жаштагы Ахмед Ягы менен 31 жаштагы Ибрахим ал-Титинин Батыш Шерианын аль-Халил шаарында израилдик аскерлер тарабынан атылган октун натыйжасында каза болгондугу белгиленди.
Израиль армиясынын Газа тилкесине кол салуусун баштаган 7-октябрдан бери Батыш Шериа жана Чыгыш Кудста Израиль күчтөрү менен жөөт отурукташкандардын кол салууларынан каза болгон палестиналыктардын саны 305ке жетти.
Израиль аскерлери Батыш Шериадагы Бетлехем шаарында да 15 палестиналыкты, анын ичинде бир журналистти камакка алды.
Палестинанын расмий агенттиги WAFAнын кабарына караганда, Израиль күчтөрү Бетлехемдин түштүгүндөгү Бейт Феккар жана Хадр шаарчалары менен Аида качкындар лагеринде кармоо операцияларын жүргүздү.
Израиль күчтөрү Бейт Феккар шаарында журналист Хамед Такатика (31) да арасында болгон 10 кишини, "Аида" качкындар лагеринде 3 кишини жана Хадр шаарында 2 кишини камакка алды.
"Аида" качкындар лагериндеги камоолорго реакция кылган палестиналыктарга Израиль күчтөрү чыныгы ок жана көздөн жаш агызуучу газ менен кийлигишти. Окуяларда каза болгондор жана жабыркагандар катталган жок.
Тектеш кабарлар
Газада уранды астында 10 миңден ашуун киши дайынсыз жоголду
Газадагы жарандык коргонуу директорлугунан темага байланыштуу жазуу түрүндө мсаалымат берилди.
