Мадуро Путин менен сүйлөшүү өткөрдү

Венесуэланын президенти Николас Мадуро Орусиянын президенти Владимир Путинге эки өлкөнүн бекем биримдиги бар экенин айтты.

Мадуро X социалдык медиа аккаунтундагы билдирүүсүндө: «Орусия Федерациясынын Президенти Владимир Путин менен телефон аркылуу достук маанайда сүйлөшүү өткөрдүк»,-деди.

Сүйлөшүүдө «Орусия-Венесуэла эки тараптуу карым-катнаштарынын алкагында кеңири кызматташтык жана түрдүү темаларды» карагандарын белгилеген Мадуро: «Биз боордош элдербиз жана бузулбас биримдигибиз бар»,-деп айтты.  

Мадуро билдирүүсүндө, Орусиянын президенти Путин менен мурда түшкөн фотосүрөтүнө да орун берди.

Венесуэланын Тышкы иштер министрлигинин интернет сайтында жарыяланган билдирүүдө болсо эки өлкөнүн стратегиялык карым-катнаштарынын маанисине басым жасалып, «Эки өлкөнүн ортосундагы стратегиялык өнөктөштүк жана кызматташтык келишими талкууланды. Сүйлөшүү эң сонун өттү»,-делди.