АКШнын коргоо министри менен Башкы штабынын башчысы Израилде

АКШнын коргоо министри Ллойд Остин менен Башкы штабынын башчысы генерал Чарльз Браун сүйлөшүүлөрдү өткөрүү үчүн Израилге барышты.

Израилдин мамлекеттик телеканалынын (KAN) билдиргенине караганда, АКШнын Башкы штабынын башчысы Браун жана андан кийин коргоо министри Остинди ташыган учак Израилге конду.

Эки америкалык жетекчи Израилдин жогорку даражалуу коопсуздук кызматкерлери менен жолугушуп, Газадагы согушка байланыштуу актуалдуу маселелерди жана Жакынкы Чыгыштагы аймактык маселелерди талкуулашары күтүлүүдө.