Түштүк Корея менен Нидерландия кызматташууда

Түштүк Корея менен Нидерландия жарым өткөргүчтөр, коргонуу жана курал-жарак өнөр жайы тармактарында өнөктөштүк түзүүнү чечти.

Нидерландиянын премьер-министри Марк Рютте Түштүк Кореянын президенти Юн Сук Ёл менен Нидерландиянын Гаага шаарында жолугушту.

Түштүк Кореянын Президенттик аппаратынан берилген маалыматта, тараптардын жарым өткөргүчтөр, коргонуу жана курал өнөр жайы тармактарында кызматташуу боюнча макулдашкандары белгиленди.

Билдирүүдө эки өлкөнүн «стратегиялык өнөктөштүктөрүн» ​​өнүктүрүү максатында эки жыл сайын тышкы иштер жана өнөр жай министрлеринин диалогун түзүүнү да кабыл алгандары айтылды.

Билдирүүдө Түштүк Корея менен Нидерландиянын эки тараптуу кызматташтыкты арттыруу үчүн соода жана маданият тармагындагы кызматташтыкты өнүктүрүүнү максат кылганы, Түштүк Кореянын Германия жана Нидерландиянын жетекчилиги астында 2025-жылы өткөрүлүшү пландалган «Европанын эң чоң коргонуу машыгуусуна» катышууну сүйлөшкөнү маалымдалды.