Гутерриш: "Гуманитардык тыныгуу негизги көйгөйлөрдү чечкен жок"

Бириккен Улуттар Уюмунун (БУУ) баш катчысы Антониу Гутерриш, Израиль менен ХАМАСтын ортосундагы кагылышууларга берилген «гуманитардык тыныгуунун» негизги көйгөйлөрдү чечпегенин айтты.

Гутерриш Африка Биримдиги комиссиясынын төрагасы Мусса Факи Махамат менен өткөргөн маалымат жыйынында сөз сүйлөдү.

Газада «гуманитардык ок ​​атышпоо» жарыяланышы керектигин билдирген Гутерриш: «Гуманитардык тыныгуу туура багыттагы кадам болду. Үмүттүн символу эле, бирок алдыбызда турган негизги көйгөйлөрдү чечпейт»,-деди.

Башкы катчы туткундардын шартсыз дароо бошотулушун жана Газадагы адамдарга гуманитардык жардамдын жеткирилишин камсыздай турган «гуманитардык ок ​​атышпоону» талап кылгандарын баса белгиледи.

«Гуманитардык тыныгуу» аяктагандан кийин кол салууларын кайрадан баштай турганын айткан Израиль өкмөтүнө да билдирүү жөнөткөн Гутерриш: «Менин билдирүүм ачык: Гуманитардык ок ​​атышпоого муктаждыбыз бар»,-деди