Германиядагы аскердик авиация тармагы кризиске карай бара жатат
Европалык коргонуу фирмалары Airbus Defence and Space федералдык армиянын атайын фондунан азырынча пайдалана элек.
Германиядагы аскердик авиация тармагы өкмөттүн акыркы чечимдери жана эл аралык окуялардын натыйжасында терең кризиске карай бара жатат.
Немис аба күчтөрү үчүн берилген Ф- 35аскердик учактарын алуу сыяктуу чоң буюртмалар америкалык коргонуу фирмаларына барды. Европалык коргонуу фирмалары Airbus Defence and Space федералдык армиянын атайын фондунан азырынча пайдалана элек.
Ушунун алкагында шаршемби күнү Манчингдеги Airbus заводунда 3 миңге жакын кызматкер катышкан чоң нааразылык митинги өткөрүлдү. Жумушчу кеңештер жана Airbus жетекчилиги немис өкмөтүн мүмкүн болушунча тезирээк Eurofighter учактарына буюртма берүүгө чакырышууда. Манчингдеги нааразылык митинги Германиянын коргонуу өнөр жайындагы бир нече жумалык баш аламандыктын бир бөлүгү жана IG Metall профсоюзу тарабынан да колдоого алынды.
Эл аралык деңгээлде дагы Eurofighter буюртмаларына болгон талаптар көбөйүүдө. Түркия 40 Eurofighter сатып алууну каалайт жана Англия менен Испаниянын макулдугун алды, бирок Германия азырынча бир чечимге келе элек. Бирок өлкөнүн курал экспортун чектөө саясатынан улам Германиянын макул болушу күмөндүү.
