Абу Убейде акыркы 48 саатта Израилдин 20 аскердик унаасын жок кылгандарын жарыялады

Израилдин Газага кол салуулары уланып жатканда Палестинанын каршылык көрсөтүү кыймылы Хамастын аскердик канаты Аль-Кассам бригадасынын басма сөз катчысы Абу Убейде акыркы 48 саатта Израилдин 20 аскердик унаасын жок кылганын жарыялады.

Абу Убейде аудио жазууну жарыялап, акыркы окуялар тууралуу билдирүүлөрдү жасады.

Израилдин баскынчылыгына каршы каршылык көрсөтүүнүн уланып жатканын белгилеген Абу Убейде акыркы 48 саатта баскынчы күчтөрүнө таандык 20 аскердик унаанын толугу менен же жарым-жартылай жок кылынганын айтты.

Абу Убейде:«Баскынчы күчтөр ар бир кадам сайын биздин мүжахиддердин соккусу астында калат»,-деди.

Абу Убейде катарлык арачыларга 5 күндүк ок атышпоо үчүн 70ке жакын бала жана аялдын бошотулушун сунушташкандарын белгиледи.

Убейде Израилдин 200 палестиналык баланы жана 75 палестиналык камактагы аялды бошотуу сунуштарына кулак салганын билдирди.

Израилдин процессти узартканын жана ок атышпоого макул болбой жатканын белгилеген Абу Убейде:«Израиль барымтадагылар өлтүрүлсө да камаарабайт»,-деп айтты.

Хамас болсо Израилдин бомбалоосунан каза болгон израилдик туткундун видеосун жарыялады.

Жаш аял жанындагы бомбалардын жарылуусунан корккондорун түшүндүрүп, Израилге чакырып: «Кол салууларды токтоткула, биз коркуп жатабыз»,- деди.

Бул акыркы билдирүүдөн кийин израилдик аялдын Израилдин кол салуусунда каза болгону жарыяланды.

Кассам бригадасы Израилдин катуу бомбалоосу учурунда колундагы 60ка жакын туткундун каза болгонун мурда жарыялаган болчу.

Бир тараптан Израиль армиясы блокададагы Газа тилкесинде уланып жаткан кагылышууда 2 израилдик аскердин дагы каза болгонун, 4 аскердин оор жаракат алганын билдирди.

Израиль армиясынын аймактагы «жерден операцияларын кеңейткенинен» кийин 31-октябрдан бери Газа тилкесиндеги кагылышууларда шейит болгон израилдик аскерлердин саны 46га жетти.

7-октябрдан бери оккупацияланган Батыш Шериа жана Ливан чек арасындагы кол салууларды кошкондо каза болгон израилдик аскерлердин саны 365ке жетти.

Хамастын куралдуу канаты Иззеддин ал-Кассам бригадалары 7-октябрда «Израилдин палестиналыктарга жана алардын ыйык баалуулуктарына, өзгөчө Месжид-и Аксага каршы тынымсыз бузууларына жооп берүү» деген негиз менен кеңири чабуулду баштаган.  Израиль армиясы да Газа тилкесине катуу абадан сокку уруп, бомбалоону баштаган.

Израиль 7-октябрдан бери 1200дөн ашуун израилдиктин, анын ичинде 365 аскердин каза болгонун жана 5132 кишинин жараланганын, алардын 46сы Газа тилкесинде, 6сы түндүктөгү Ливан чек арасында кагылышууларда каза болгонун жарыялады.

Газадагы өкмөттүн маалыматына караганда Израилдин бомбалоосунан каза болгондордун саны 11 миң 360тан ашты.

Израилдин айтымында, Хамастын колунда 239 адам туткунунда жатат.