Анжелина Жолиден Газа чакырыгы

Америкалык актриса Анжелина Жоли, Израилдин Газадагы жарандарга кол салууларына реакция кылды.

Социалдык медиа эсебинен билдирүү жасаган Жоли, Палестинанын каршылык көрсөтүү кыймылы Хамас тарабынан 7-октябрда эртең менен «Акса топону» деген ат менен башталган кол салуулардан улам дүйнөдөгү бардык адамдар сыяктуу эле абдан капа болгонун жана ачууланганын айтты. Жоли: «Бирок бул, Газада бара турчу жери, тамак-ашы же суусу, эвакуациялоо мүмкүнчүлүгү жок, атүгүл баш калкалоо үчүн чек арадан өтүү сыяктуу негизги адамдык укугу жок жайкын тургундарды бомбалоо учурунда курман болгон бейкүнөө адамдардын өмүрүн актай албайт»,-деп айтты.

Жоли 20 жылдан бери качкындарга байланыштуу иш-аракеттерди жүргүзүп келе жатканын жана жер которгондор менен алектенгенин бөлүшкөн билдирүүсүндө: «Газада 2 миллиондон ашык адам (алардын жарымы балдар) дээрлик 20 жылдан бери катуу блокадада, ошондой эле ондогон жылдар бою жер которгон жана жарансыздыктын астында жашап жатат. Ичкериге кирген аз сандагы жардам фуралары муктаждыктын бир аз бөлүгүн түзөт жана бомбалоо күн сайын жаңы гуманитардык жардамдын булагы болууда. Күйүүчү май жана суу жардамынан баш тартылып калкты тобу менен жазаландырууда. Адамзат ок атышууну дароо токтотууну талап кылат»,-деди.

Палестиналыктардын, израилдиктердин жана дүйнө жүзүндөгү бардык адамдардын жашоосу бирдей маанилүү экенин белгилеген америкалык актриса: «Жарандардын өлүмүнө жол бербөө жана өмүрүн сактап калуу үчүн бардык нерсе жасалышы керек»,- деп чакырык салды.