Грецияда АКШнын Грециядагы базаларга аскердик учактарын жайгаштыруу планына каршы акция

Грециянын борбор шаары  Афинанын борборунан болжол менен 30 километр алыстыкта ​​жайгашкан Элефсина районунда «Америка Кошмо Штаттарынын Грециядагы базаларга өзүнүн аскердик учактарын жайгаштыруу планына» каршы нааразылык акциясы өттү. 

Грециянын Коммунисттик партиясынын (ККЕ) чакырыгы боюнча Грециянын аскердик аба күчтөрүнүн аскердик аэропорту жайгашкан Элефсина шаарында чогулган митингчилер Палестина элине колдоолорун билдиришти.

Митингчилер Израиль - Палестина кагылышуусунда АКШ, НАТО жана Европа Биримдигинин  мамилесин сынга алып,  Грециянын бул кагылышуудан алыс болушун талап кылышты.

Элефсина аэропортуна АКШнын аскердик учактарын жайгаштыруу планына нааразы болгон митингилер "Газада өз мамлекетин курууну каалаган палестиналыктардын кыргынын токтотууну" талап кылышты.

Грек басма сөзүндө орун алган кабарда Израиль - Палестина кагылышуусунан кийин Грециядагы Суда базасына көп сандаган америкалык аскердик учактын жайгаштырылып, Афина жакынындагы Элефсина аскердик аэропортуна окшош түрдө жайгаштырыла баштагандыгы билдирилген. 

Хамастын куралдуу канаты Кассам бригадалары 7-октябрда эртең менен Израилге «Акса топону» деп аталган кеңири чабуулун баштады.

Израиль армиясы да Газа тилкесине каршы аскердик учактар ​​менен «Темир кылычтар» операциясын баштаганын жарыялады.

Чыңалуунун күчөшүндө эки тараптан тең миңдеген адам каза болду.