Шеврон Жер Ортолук деңизинде газ өндүрүүнү токтотту

Америкалык энергетика компаниясы Шеврон, Израиль менен Хамастын ортосундагы кагылышуулардан улам Израилдин талабы боюнча Чыгыш Жер Ортолук деңизиндеги Тамар жаратылыш газ кенинде өндүрүштү токтотконун жарыялады.

Шеврондун Анадолу агенттигине (AA) электрондук почта аркылуу жасаган билдирүүсүндө, компания иштеген объектилерде жана өндүрүш аймактарында коопсуздуктун камсыздалышы артыкчылыктуу экени белгиленди.

Израиль менен Хамастын ортосундагы кагылышуулардан кийин компаниянын аймактагы кызматкерлеринин маалыматы суралганы айтылган билдирүүдө: "Chevron Mediterranean Limited компаниясына Израилдин энергетика министрлиги Тамар өндүрүш платформасындагы өндүрүштү токтотууну тапшырды" деген сөздөр камтылды. 

Компания Тамардын сыртындагы Левиафан кенинен газ берүүнү улантып жатканын билдирди.