Орусиядан Украинага учкучсуз учуучу аппараттар менен чабуул коюлду
Украина аба күчтөрүнөн жасалган билдирүүдө Орусия тарабынан жасалган кол салууда Иранда чыгарылган 30 «Шахед» учкучсуз учуучу аппаратынын колдонулганы белгиленди.
Украина орус армиясынын түн ичинде 30 учкучсуз учуучу аппарат жана ракета менен өлкө боюнча чабуул койгонун билдирди.
Украина аба күчтөрүнөн жасалган билдирүүдө Орусия тарабынан жасалган кол салууда Иранда чыгарылган 30 «Шахед» учкучсуз учуучу аппаратынын колдонулганы белгиленди.
Билдирүүдө сөз болуп жаткан учкучсуз учуучу аппараттардын 16сы Украинанын абадан коргонуу системалары тарабынан атып түшүрүлгөнү белгиленди.
Харьков облусунун Аскердик башкармалыгынан берилген маалыматта орус армиясынын шаарга 3 даана С-300 ракетасы менен кол салганы белгиленди.
Билдирүүдө ракеталардын бир ишканага тийүүсүнүн натыйжасында өрт чыкканы, бирок кол салууда каза болгондордун же жаралангандардын болуп болбогону тууралуу маалымат берилген жок.
2022-жылдын 24-февралында Орусиянын президенти Владимир Путин Украинага басып кирүүгө буйрук бергендиктен, Орусия-Украина согушу башталган.
Путин Киевдин НАТОго кирүүсүнө жол бербөө жана аны Орусиянын таасир чөйрөсүндө калтыруу үчүн өлкөнү демилитаризациялоону жана нацизмди жоюуну максат кылып жатканын айткан.
