Франция Нигердеги ар кандай жаңы чыңалууларга жооп кайтарууга даяр

Франциянын Башкы штабы, француз армиясынын Нигердеги француз аскерий жана дипломатиялык активдерине зыян келтирүүгө багытталган ар кандай жаңы чыңалууларга жооп кайтарууга даяр экендигин билдирди.

Франциянын Башкы штабынын жазуу түрүндөгү жарыясында, Нигердеги француз аскерлеринин Франциянын бул өлкөдөгү аскердик мүлкүнө жана дипломатиялык өкүлчүлүктөрүнө зыян келтире турган «жаңы чыңалууга жооп берүүгө даяр экени» белгиленди.

Нигердеги аскердик башкаруу кечээ 25-августта өлкөдөн чыгып кетүүсүнө 48 саат убакыт берген бирок өлкөдөн чыкпаган Франциянын Ниамейдеги элчиси Сильвен Иттенин кол тийбестигинин алынып салынганын жана анын депортациялана турганын жарыялаган.

Франциянын президенти Эммануэль Макрон 28-августта Париждеги элчилердин 29-конференциясында билдирүү жасап: «Төңкөрүшчүлөрдүн кысымына карабастан элчибиз Ниамейде калат»,- деген эле.