Украина быйыл өнөктөштөрүнөн 28 миллиард доллар каржылык колдоо алды
Шмигал өкмөт жыйынында сүйлөгөн сөзүндө, Украинага өнөктөштөрү тарабынан камсыздалган каржылык колдоого токтолду.
Украинанын премьер-министри Денис Шмигал быйыл Украинанын өз өнөктөштөрүнөн 28 миллиард доллар каржылык колдоо алганын билдирди.
Шмигал өкмөт жыйынында сүйлөгөн сөзүндө, Украинага өнөктөштөрү тарабынан камсыздалган каржылык колдоого токтолду.
Премьер-министр Шмигал: «Биз быйыл өнөктөштөрүбүздөн 28 миллиард доллар, Европа Биримдигинен 11 миллиард доллардан, АКШдан 8 миллиард доллардан ашык каржылык колдоо алдык»,- деди.
Досторуна жана союздаштарына колдоолору үчүн ыраазычылык билдирген Шмигал «Украинага берилген ар бир доллар биздин туруктуулугубузга, жеңишибизге, коопсуздугубузга жана Европадагы тынчтыкка болгон инвестиция»,-деди.
Украинанын учурда бардык ички ресурстарын согушка жумшаганын белгилеген Шмигал, ишканалар жана жарандар төлөгөн салыктардын бардыгынын коопсуздук жана коргонуу күчтөрүнүн муктаждыктарын камсыз кылуу үчүн колдонулганын айтты.
Жогоруда айтылган муктаждыктар үчүн 1 триллион 800 миллиард гривна (болжол менен 48 миллиард 500 миллион доллар) бөлгөндөрүн кабарлаган Шмигал, мунун азырынча акыркы сумма болушу мүмкүн эмес экенин айтты.
