Орустардын Краматорск шаарына жасаган кол салуусунда каза болгондордун саны 12ге жетти
Эки күнгө созулган издөө-куткаруу иштеринде ресторандын урандыларынан 4 кишинин сөөгүнүн чыгарылгандыгы билдирилди.
![Орустардын Краматорск шаарына жасаган кол салуусунда каза болгондордун саны 12ге жетти](http://cdn.trt.net.tr/images/xlarge/rectangle/1887/0345/2b01/649e68ec25d4b.jpg?time=1718822735)
Украинанын ички иштер министрлиги орус армиясынын 27-июнда Украинанын Краматорск шаарындагы ресторанга жасаган ракеталык кол салуусунда каза болгондордун саны 12ге жеткенин жарыялады.
Министрликтин социалдык медиа эсебинен жарыяланган билдирүүсүндө 27-июнда орус аскерлеринин Донецк облусунун Краматорск шаарында ресторанга сокку уруусунан кийин башталган издөө-куткаруу иштеринин аяктаганы белгиленди.
Эки күнгө созулган издөө-куткаруу иштеринде ресторандын урандыларынан 4 кишинин сөөгүнүн чыгарылганына көңүл бурулган маалыматта : «Ушундайча каза болгондордун саны 12ге жетти. Алардын бардыгынын өздүгү такталды”,- деп айтылды.
Билдирүүдө кол салууда жаракат алгандардын санынын да 65ке жеткендиги белгиленди.
Краматорск шаардык кеңешинин интернет сайтындагы билдирүүдө орус армиясынын 27-июнда шаарга карай ракеталык кол салуусунда каза болгондор үчүн шаарда 30-июнь жана 1-2-июль күндөрү аза күтүү жарыялангандыгы маалымдалды.