Вагнер Орусия менен макулдашты

Орус администрациясына каршы козголоң чыгарган Вагнер тобунун негиздөөчүсү Евгений Пригожин тараптардын биринде орус каны төгүлүшүнүн жоопкерчилигин түшүнгөнүн жана колонналарын артка кайтарып, план боюнча талаа лагерлерине кайтышарын жарыялады.

Пригожин Вагнердин Telegram каналына үн менен билдирүүсүн жарыялады.

Мында Пригожин:«Алар Вагнерди таркатмакчы болушкан. Биз 23-июнда «Адилеттик маршына» чыктык. Москвадан 200 километрдей алыстыкка ​​бир күндө келдик. Бул убакыт аралыгында биз согушкерлерибиздин бир тамчы канын төккөн жокпуз»,-деди.

Эми кан төгүлө турган учурга келишкенин белгилеген Пригожин: «Ошондуктан, биз орус каны тараптардын биринде төгүлө турганынын толук жоопкерчилигин түшүнүп, конвойлорубузду артка кайтаруудабыз жана план боюнча талаа стандарына кайтып жатабыз»,-деп айткан.

Бул билдирүүдөн кийин Пригожин согушкерлер менен Орусиянын Ростов-На-Дону шаарынан чыгып кетти.

Бул тууралуу Ростов облусунун губернатору Василий Голубев Telegram каналындагы билдирүүсүндө: «Вагнер колоннасы Ростовдон чыкты жана талаа лагерлерине карай бет алды»,-деп айткан.

Орусиянын автомобиль жолдору боюнча федералдык агенттигинин (Росавтодор) билдирүүсүндө, автожолдордогу бардык чектөөлөр алынганын билдирилди.

Бир тараптан Украина чек арасына жакын аймактарда, өзгөчө Москва жана Москва облусундагы куралдуу козголоңдон улам жарыяланган «антитеррордук операциянын» токтотула турганы белгиленди.

Орусиянын Президенттик сарайынын Кремлдин басма сөз катчысы Дмитрий Песков орусиялык «Вагнер» коопсуздук компаниясынын негиздөөчүсү Евгений Пригожинге козголгон кылмыш иши жабыла турганын билдирип: «Пригожин Белоруссияга барат»,-деди.

Песков Вагнер тобунун орус башкаруусуна каршы козголоңуна байланыштуу билдирүүлөрдү жасады.

Орусиянын президенти Владимир Путин менен Беларустун президенти Александр Лукашенконун ортосунда күндүз телефон сүйлөшүүсү болгонун белгилеген Песков: «Эки президент Лукашенко кырдаалды жөнгө салуу үчүн ортомчулук аракеттерди жасайт деп макулдашты. Биз бул маселеде Лукашенконун колдоосун жогору баалайбыз»,-деди.

Лукашенко Вагнердин негиздөөчүсү Пригожин менен 20 жылдан бери тааныш экенин белгилеген Песков: «Бул Лукашенконун жеке сунушу болчу. Бул сунушту Путин кабыл алды. Беларус президентине кырдаалды жоготуусуз жана курчутпай чечүү аракети үчүн ыраазычылык билдиребиз»,-деп айтты.

Песков: «Натыйжада Вагнердин лагерине кайтып келүүсү макулдашылды. Айрымдары анын өтүнүчү боюнча Коргоо министрлиги менен келишим түзүшөт. Бул маселе Вагнердин операциясына катышпагандарга тиешелүү. Андай бөлүкчөлөр да бар. Окуялардын башталышынан кайтып келгендер да бар. Алар жайгаштырылган жерине кайтып келүүгө тынымсыз жардам берип жатышат»,-деп айтты.

Козголоңго катышкан Вагнер согушкерлеринин артынан ээрчилбей турганын билдирген Песков, кагылышууларда көрсөткөн эрдиктери үчүн аларга урмат көрсөткөндөрүн билдирди.

Эгер Дмитрий Песков: «Пригожиндин тагдырына байланыштуу болсо, Пригожинге каршы козголгон кылмыш иши жабылат. Пригожин Белоруссияга кетет»,- деди.

«Вагнер» жеке күзөт компаниясынын негиздөөчүсү Евгений Пригожин орус армиясын Вагнерге чабуул жасады деп айыптап, жооп кайтарам деп коркутту.Вагнердин согушкерлери Украинадан чыгып, чек арадагы Ростов аймагына киришкен.

Бул жагдай боюнча Федералдык коопсуздук кызматы (ФСБ) «куралдуу баш аламандык» беренеси менен кылмыш ишин козгоду.

Орусия Федерациясынын Президенти Владимир Путин Вагнердин козголоңун «чыккынчылык» деп атады.

Пригожин Москвага барышарын жарыялап, Кремлдин администрациясы өлкөнүн көптөгөн аймактарында коопсуздук чараларын күчөттү.

Пригожин Беларустун президенти Александр Лукашенконун Орусиядагы чыңалууну басаңдатуу сунушун кабыл алганы кабарланды.