Испанияда жергиликтүү шайлоо жекшемби күнү өтөт

Испанияда 35,1 миллион шайлоочу катталган 12 автономиялуу  башкаруу жана 8 миң 131 муниципалдык кеңештин мүчөлөрүн аныктай турган жергиликтүү шайлоо жекшемби күнү өткөрүлөт.

Өлкөдөгү 17 автономиялык башкаруунун 12синде (Арагон, Астурия, Канар аралдары, Балеар аралдары, Кантабрия, Кастилья-Ла-Манча, Мадрид, Валенсия, Экстремадура, Ла-Риоха, Наварра жана Мурсия), Түндүк Африканын аймагындагы Сеута жана Мелилья автономиялык шаарларында жана 8 миң 131 муниципалитетте шайлоо болот.

Испанияда биринчи жолу бир саясий партия жалаң мусулмандардан турган талапкер тизмеси менен шайлоого катышат.

Сеутада 2014-жылдан бери иштеп келе жаткан жана учурда 25 орундуу парламентте 2 мүчөсү бар "Ар-намыс жана жарандык кыймыл" (MDyC) деп аталган саясий партия, талапкер тизмесин биринчи жолу жалаң мусулман жарандардан тандады.

Бул жергиликтүү шайлоолордо үкөккө чагыла турган саясий тандоолордун өлкөдө жылдын аягында өткөрүлүшү күтүлгөн жалпы шайлоолорго жарык чачышы күтүлүүдө.