Израиль Исламдык Жихад кыймылынын 11 мүчөсүн набыт кылды
Кудс серийлери жазуу түрүндөгү билдирүүсүндө Израилдин Газага кол салууларында Исламдык Жихад тарабынан шейит болгондордун балансы тууралуу маалымат берди.
Исламдык Жихад Кыймылынын аскердик канаты Аль-Кудс Серийлери, Израиль армиясынын 9-майда курчоого алынган Газа тилкесине жасаган кол салууларында 6 улук командири, бир талаа командири жана 4 мүчө болгон 11 мүчөсүнүн каза болгонун жарыялады.
Кудс серийлери жазуу түрүндөгү билдирүүсүндө Израилдин Газага кол салууларында Исламдык Жихад тарабынан шейит болгондордун балансы тууралуу маалымат берди.
Билдирүүдө Кыймылдын 6 улук командири, бир талаа командири жана 4 мүчөсү каза болгондугу белгиленген.
Шейшемби күнү, 9-майда Израиль армиясы Исламдык Жихад Кыймылынын аткаруучу кызматкерлерин бутага алганын жүйө кылып, курчоого алынган Газага чабуул жасады.
Израилдин кол салууларында 6 бала жана 3 аял болгон 33 палестиналык каза болуп, 32си бала 17си аял болгон 93 палестиналык жараланды.
Палестиналык топтор бул кол салууларга Газадан Израиль тарапка миңден ашуун ракета жана миномет атуу менен жооп берди.
11-майда Газа тараптан атылган ракеталардын бири Реховот шаарындагы турак жайга тийип, бир израилдик набыт болгон.
Израиль армиясынын бомбалоосунда Газа тилкесинин ар кайсы жерлеринде 20 имарат талкаланып, 49 үй толугу менен жараксыз абалга келип, 940 үй зыянга учурады.
Тараптар 13-майга караган түнү ок атышууну токтотууну макулдашты.
