Кубада Мигель Диас-Канель кайрадан президент болуп шайланды

Кубада президент Мигель Диас-Канель депутаттардын 97,66 пайыздык колдоосу менен кайрадан шайланды.

Улуттук шайлоо кеңешинин билдирүүсүндө, Элдик Бийликтин Улуттук Парламентинде (ANPP) өткөрүлгөн сессияда 462 депутаттын 459унун Канелди колдогону, 62 жаштагы Диас-Канелдин 97,66 пайыз менен өлкөдө 2028-жылга чейин кайрадан мамлекет башчы болуу укугуна ээ болгону жарыяланды.

Вице-президент Сальвадор Вальдес Меса да 462 депутаттын 439унун колдоосу менен вице-президенттикке кайра шайланды.

Көпчүлүгүн өлкөнүн конституциясында «мамлекеттен жана улуттан жогору» деп аныкталган Кубанын Коммунисттик партиясынын (ПКК) мүчөлөрү түзгөн ANPP, мыйзам чыгаруу бийлигинен тышкары жогорку бийлик өкүлдөрүн шайлоо укугуна ээ.

Көп партиялуу саясий системалардан айырмаланып, Кубадагы Мыйзам чыгаруу органына кирүүгө талапкерлердин көбү PCC мүчөсү катары өтүшөт.

Кубада 43 жылдык конституциялык өзгөртүүлөрдөн кийин 2019-жылдын 11-октябрында Кубанын мамлекеттик кеңешинин жана министрлер кеңешинин төрагасы Диас-Канель президент болуп шайланган.