Швейцария Украинага жабдууларды жана ок-дарыларды экспорттоодон баш тартты

Швейцария Конфедерациясынын төрагасы Ален Берсет Орусия-Украина согушунда өлкөсүнүн көптөн бери сактап келген бейтараптык принцибин себеп көрсөтүп Украинага ок-дарыларды экспорттоого уруксат берүү чакырыгын четке какты.

Берсет Германиянын канцлери Олаф Шольц менен Берлинде өткөргөн биргелешкен пресс-конференцияда, өкмөтүнүн Орусиянын Украинага каршы согушун катуу айыптаганын жана муну эл аралык укуктун олуттуу бузулушу катары эсептегенин айтты.

Берсет бирок Швейцариянын көптөн берки бейтараптык салтынан жана ага байланыштуу мыйзамдарынан улам кагылышууда эч бир тарапка аскердик колдоо көрсөтө албастыгын баса белгиледи.

«Эч ким бизден өз мыйзамдарыбызды бузууну талап кыла албайт» деген Берсет, бул темада өлкө ичинде талаш-тартыштар жүрүп жатканын кошумчалады.

Швейцария Евробиримдиктин Орусияга каршы айрым санкцияларын, анын ичинде орус активдерин тоңдурууну кабыл алды, бирок европалык өнөктөштөрүнүн швед өндүрүшү ок-дарыларды Украинага кайрадан экспорттоо өтүнүчтөрүн четке какты.

Шольц да пресс-конференцияда өлкөсүнүн Швейцария менен эки тараптуу карым-катнаштарынын жакшы абалда экенин билдирди.