Россия континенттер аралык ракетасын сыноодон өткөрдү

Россия континенттер аралык баллистикалык ракетасын сыноодон өткөрдү.

Россиянын коргоо министрлигинен берилген жазуу түрүндөгү маалыматта өлкөнүн түштүгүндөгү Астрахань аймагындагы Капустин Яр  полигонунан континенттер аралык баллистикалык ракетанын учурулгандыгы белгиленди.

Билдирүүдө ракетаны сыноонун ийгиликтүү аткарылганы белгиленип : «Учуруунун максаты  өнүккөн  континенттер аралык баллистикалык ракета  жабдыктарын сыноо»,- деп айтылды

Сыналган ракетанын аты тууралуу  маалымат берилбеген билдирүүдө ракетанын Казакстандын Сары-Шаган полигонундагы  бутаны атканы  белгиленди.