Мексикадагы өрт: 39 адам каза болду
Мексиканын Улуттук миграция мекемесинде өрт чыкканы билдирилди.
Мексикада АКШ чек арасына жакын аймактагы миграция борборунда чыккан өрттөн 39 киши каза болду.
Мексиканын президенти Андрес Мануэль Лопес Обрадор пресс-конференцияда, Техас штатынын чек арасына жакын жердеги Сьюдад-Хуарес чек ара шаарындагы Мексиканын Улуттук миграция мекемесинде өрт чыкканын билдирди.
Обрадор өрткө "депортацияны күтүп жаткан качкындардын" себеп болгонун жүйө келтирип: «Наразычылык иретинде баш калкалоочу жайдын эшигине матрацтарды коюп, өрттөп жиберишкен жана мунун коркунучтуу трагедияга алып келерин ойлошкон эмес. Биздин оюбузча алар депортация болоорун билгендиктен ушундай кылышты»,-деди.
Улуттук миграция институтунун жазуу түрүндөгү маалыматында, кечээ түн жарымында башталган өрттө 39 кишинин каза болгону, 29 кишинин жаракат алганы кабарланды.
Билдирүүдө 4 ооруканада дарыланып жаткан жаракат алгандардын абалы оор экени айтылды.
Тектеш кабарлар
Орусия Новокалиновону көзөмөлгө алды
Орус армиясынын Украинадагы чабуулдары тууралуу маалымат берилди.