Блинкен Казакстан, Өзбекстан жана Индияга барат

АКШнын мамлекеттик катчысы Энтони Блинкен 2023-жылдын 28-февралынан 3-мартына чейин Казакстан, Өзбекстан жана Индияга барат.

АКШнын Мамлекеттик департаментинин жазуу жүзүндөгү билдирүүсүндө, Блинкен 28-февралда Казакстандын Астана шаарына барат жана бул жерде жогорку даражадагы казак жетекчилери менен эки тараптуу кызматташууну сүйлөшөт.

Блинкендин андан кийин Казакстан, Кыргызстан, Тажикстан, Түркмөнстан, Өзбекстан менен бирге 5 Борбордук Азия өлкөсү жана АКШдан турган C5 +1 тобунун министрлер жыйынына катыша турганы кабарланган билдирүүдө, министрдин бул жерде АКШнын Борбордук Азия өлкөлөрүнүн көз карандысыздыгына, эгемендигине жана аймактык бүтүндүгүнө болгон колдоосун кайталай турганы маалымдалды.

Билдирүүдө C5 +1 жыйынынын алкагында аймактык жана эки тараптуу темаларды бул өлкөлөрдүн тышкы иштер министрлери менен талкуулоо үчүн эки тараптуу жолугушууларды өткөрөрү айтылды.

Блинкендин Астанадан кийин Өзбекстандын борбору Ташкентке бара турганы белгиленген билдирүүдө: «Мамлекеттик катчы, 1-мартта азык-түлүк жана энергетикалык коопсуздук, туруктуу өнүгүү, баңги заттар, глобалдык ден-соолук, гендердик теңчилик, аялдарга колдоо, гуманитардык жардам темаларында кызматташууну тереңдетүүгө багытталат G20нын Тышкы иштер министрлеринин жыйынына катышуу үчүн Индиянын борбору Делиге барат. Бул жерде күчтүү өнөктөштүгүбүздү кайрадан өздөштүрүү үчүн Индиянын мамлекеттик кызматкерлери жана жарандык коом менен жолугушат»,-деп маалымдалды.