Сауд Арабиянын тышкы иштер министри Мюнхендеги коопсуздук конференциясында катуу айтты

Сауд Арабиянын тышкы иштер министри Фейсал бин Ферхан, өлкөсү көптөн бери эскерткен Ирандын учкучсуз учуучу аппараттарынын Орусия-Украина согушунда колдонулганын айтты.

Бин Ферхан Германияда өткөрүлгөн 59-Мюнхен коопсуздук конференциясынын алкагында өткөрүлгөн сессияда Ирандын учкучсуз учуучу аппараттары, ядролук сүйлөшүүлөрү, АКШ менен карым-катнаштары жана Сириядагы абал тууралуу билдирүү жасады.

«Сауд Арабиясы Ирандын учкучсуз учуучу аппараттары тууралуу көптөн бери эскертип келген. Эми бул дрондорду Украина согушунда көрүп жатабыз. Бул боюнча Иран менен байланышуу керек»,-деп айткан Бин Ферхан, Иранга куралдын жайылтылышынын аймакка пайда алып келбей турганын жана токтотулушу керектигин билдиргендерин айтты.

Бин Ферхан Иран менен өзөктүк сүйлөшүүлөр маселесине да токтолуп: «Сүйлөшүүлөргө кайтуу керек, бирок бул Перс булуңундагы өлкөлөрдүн катышуусу менен жана ар тараптуу көз карашта болушу керек»,-деди.

Бин Ферхан кошуна өлкөлөр менен касташкан мамлекеттин өзөктүк куралга ээ болушу ар өлкөнү «өзүн-өзү коргоого» түртөт деп баса белгиледи.

Бин Ферхан Жакынкы Чыгыштын өзөктүк куралдан арылуусун колдой турганын билдирди.

Бин Ферхан АКШ менен алака боюнча, «Биз кээ бир маселелер боюнча ар башкабыз. Бул белгилүү маселе. Биз АКШ менен мамилебизде улуттук кызыкчылыктарыбызды карайбыз»,-деп өз баасын берди.

Сирия боюнча министр араб дүйнөсүндө азыркы кырдаал мындан ары да уланбашы керек деген консенсус бар деп билдирди.

Бин Ферхан чет өлкөлөрдөгү сириялык качкындар жана өлкөдөгү гуманитардык абалды жөнгө салуу керектигин кошумчалады.