Газпромдун Европага газ жөнөтүүсү 23 пайызга азаят
Компаниянын Сохранивка бөлүштүрүүчү пунктунан газ ташуу талабынын Украина тарабынан четке кагылганы белгиленди.
Орус энергетикалык фирмасы Газпромдун Украина аркылуу Европага газ өткөрүүсү бүгүн кечээкиге караганда 23 пайызга азайып 25,1 миллион куб метр деңгээлинде болот.
Газпромдун орус басма сөзүнө жасаган билдирүүсүндө, компаниянын Сохранивка бөлүштүрүүчү пунктунан газ ташуу талабынын Украина тарабынан четке кагылганы белгиленди.
Суджа пунктунан ташуунун улана турганы кабарланган билдирүүдө, аталган пункттан ташылган газдын көлөмүнүн бүгүн 25,1 миллион метр куб деңгээлинде боло турганы айтылды.
Кечээ Украина аркылуу Европага 32,6 миллион метр куб жаратылыш газын жөнөткөн Газпромдун ташуусу ушундача 18-январга салыштырмалуу 23 пайызга азаят.
Украина май айында Орусиядан Европага бара турган жаратылыш газынын үчтөн бири өтө турган Сохрановка бөлүштүрүү пунктунда газ өткөрүүнү токтоткон.
Газпромдун Батыш жана Борбордук Европага жаратылыш газын жөнөтүүсү «Түндүк Агым» куурлары жана Ямал-Европа аркылуу токтоп калган.
Компаниянын аталган аймактарга газ жөнөтүүсү Украина аркылуу гана уланууда.
