Фараондун жүзү компьютер менен жандандырылды

Байыркы Египеттин эң күчтүү фараону Рамзес IIнин жүзү 3200 жылдан кийин биринчи жолу көрүндү.

Британиялык жана египеттик окумуштуулар Рамсестин мумиясын томографиялык аппарат менен сканерден өткөрүштү.

Окумуштуулар карылык процессин артка жылдырып, Рамзес IIнин бийликте турган кездеги жүзүн ачып беришти.

Бул чыныгы баш сөөктүн компьютердик томографиясынын негизинде фараондун жүзүнүн биринчи илимий реконструкциясы болду.

Долбоорду жетектеген Каир университетинен Сахар Салим: «Кайрадан түзүлгөн жүзү Рамсестин мурду көрүнүктүү, ээги күчтүү абдан сулуу египеттик экенин көрсөттү»,- деди.