Херсон шаарына кол салуу болуп 7 адам каза болгонуна Зеленский катуу каршы чыкты

Украинанын Президентинин Аппаратынын жетекчисинин орун басары Кирило Тимощенко орус күчтөрүнүн бүгүн Херсон шаарына кол салуусунан 7 жайкын тургун каза болгонун, 58 киши жараланганын жарыялады.

Тимощенко өзүнүн Telegram эсебинен билдирүүсүндө жабыркагандардын 18инин абалы оор экенин билдирди.

Украинанын президенти Владимир Зеленский өзүнүн социалдык медиа эсебинен билдирүү жасап, орус күчтөрүнүн Херсонго жасаган чабуулуна жооп кайтарды.

Орус армиясын Украинадагы жайкын тургундарды бутага алууда деп айыптаган Зеленский:«Херсон, ишемби күнү эртең менен, Рождество түнү, шаардын борбордук бөлүгүндө. Бул аскерий объектилер эмес. Бул эреже боюнча согуш эмес, бул террор, ырахат алуу үчүн коркутуу жана өлтүрүү»,-деп айтты.