Ирандагы демонстрацияларда 304 киши набыт болду
Баш кеңсеси Норвегияда жайгашкан Иран адам укуктары мекемесинин (IHR) интернет сайтында жарыяланган отчетто өлкөдө 50 күндөн ашуун убакыттан бери уланып жаткан демонстрациялар тууралуу маалымат берилди.
Иранда Махса Эмининин камакта каза болушунан кийин башталган демонстрацияларга коопсуздук күчтөрүнүн кийлигишүүсүнүн натыйжасында каза болгондордун саны 304кө жетти.
Баш кеңсеси Норвегияда жайгашкан Иран адам укуктары мекемесинин (IHR) интернет сайтында жарыяланган отчетто өлкөдө 50 күндөн ашуун убакыттан бери уланып жаткан демонстрациялар тууралуу маалымат берилди.
31 провинциянын 22си үчүн сандар камтылган отчетто эң көп жоготуулардын Систан-Белужистан, Мазендеран, Тегеран, Күрдистан жана Гилан провинцияларында катталганы белгиленди.
Отчетто Систан-Белужистан провинциясында 118, Мазендеранда 33, Тегеранда 30, Күрдистанда 26, Гиланда 22, Батыш Азербайжанда 21, Керманшахта 13, Эльборздо 9, Хорасан-и Резеви, Исфахан жана Зенжанда 4төн, Лористан, Меркези, Казвин, Кохгилуйе-Буйер Ахмед, Чыгыш Азербайжан, Эрдебил, Ийлам, Хузистан жана Хамаданда 2ден, Бушер менен Симнанда 1ден демонстранттын каза болгону, алардын жалпы саны 304кө жеткени белгиленди.
Маалыматта каза болгон демонстранттардын 41инин жашы 18ге толо электиги, 24үнүн аялдар экени белгиленди.
Ирандын укук коргоочулар агенттигинин (HRANA) кабарына караганда Эмининин өлүмүнөн кийин башталган демонстрацияларда 38 коопсуздук кызматкери каза болду.
Тегеранда 13-сентябрда «адеп-ахлак полициясы» деп аталган Иршад патрульдары тарабынан кармалгандан кийин ооруп, ооруканага жеткирилген 22 жаштагы Махса Эмининин 16-сентябрда каза болушу өлкөнүн өкмөтүнө каршы нааразылыктарды жаратты.
Өлкө боюнча уланып жаткан демонстрацияларда 10 миңден ашуун кишинин кармалганы айтылууда.
