Ирандагы нааразылык акциялары...

Иранда кармалып каза болгон Махса Эмининин өлүмүнүн 40-күнүндө борбор шаар Тегеранда кеңири коопсуздук чаралары астында нааразылык акциялары өттү.

Борбор Тегерандын эң кыймылдуу көчөлөрүнүн бири болгон Велиасрда чогулган жүздөгөн адам өкмөткө каршы ураандарды кыйкырып, Жихад аянтынан Бехешти көчөсүнө чейин жөө жүрүш жасашты.

Жүрүш учурунда полиция маал-маалы менен демонстранттарга көздөн жаш агызуучу газ чачып кийлигишти.

Мотоцикл полициясы тынымсыз кийлигишкен демонстранттар четтеги көчөлөргө тарап, кайрадан чоң көчөлөрдө жолугушту.

Демонстранттар менен коопсуздук күчтөрүнүн ортосунда жаңжал чыкты.

Бир тараптан Исламий Уюмдар Студенттери Биримдиги Telegram баракчасынан билдирүү жасап, куралдуу бөлүктөрдүн Тегеран университетинин Дене тарбия факультетине кирип, студенттерди резина ок менен аткылашты.

Профсоюз демонстрацияны уюштурган Аллама Тебатебай атындагы университеттин студенттерине проректор тарабынан дисциплинардык комитет менен коркутуулар болгонун билдирди.

Иранда Махса Эмининин өлүмүнүн 40-күнүндө социалдык медиада кеңири катышуу менен демонстрацияларга чакырыктар жасалды.

Мындан улам Тегеран менен катар бир топ шаарда, өзгөчө Эмининин кичи мекени Саккызда нааразылык акциялары өткөрүлдү.

13-сентябрда Тегеранда «адеп-ахлак полициясы» деп аталган Иршад патрульдары тарабынан кармалгандан кийин ооруп, ооруканага жеткирилген 22 жаштагы Махса Эмининин 16-сентябрда өлүмү өлкөдө нааразылык жаратты.

Эмининин кичи мекени Саккызда 17-сентябрда жаназа коюлгандан кийин башталган демонстрациялар көптөгөн шаарларга жайылды.

Демонстрацияларда каза болгондор тууралуу расмий бийликтен так маалымат берилбесе да, Норвегияда жайгашкан «Иран адам укуктары уюму» 200дөн ашуун кишинин каза болгонун билдирген.