Климаттын өзгөрүшүнүн ЕБга чыгымы

Европа Биримдигине (ЕБ) мүчө өлкөлөр, 10 жылдын ичинде климаттын өзгөрүшү себеп болгон жаман аба ырайынан улам 145 миллиард евродон ашык экономикалык чыгымга учурады.

Европанын статистикалык кеңсеси (Евростат), климаттын өзгөрүшүнүн Европа Биримдиги өлкөлөрүнө тийгизген экономикалык таасирлерине байланыштуу көрсөткүчтөрдү жарыялады.

Буга караганда, климаттын өзгөрүшү аба ырайынын начар шарттарына алып келсе, бул жагдай олуттуу экономикалык жоготууларга себеп болду.

Климаттын өзгөрүшүнөн келип чыккан жагымсыз аба ырайы шарттары, анын ичинде ысык толкундар, селдер жана бороондор 2011-жылдан 2020-жылга чейин жалпысынан 145 миллиард евродон ашык экономикалык жоготууларга алып келди.

Экинчи жагынан, 2020-жылы ЕБ өлкөлөрүндө климатка байланыштуу экономикалык жоготуулардын орточо көлөмү 27 еврону түздү.

Бул мезгилде климаттын өзгөрүшүнө байланыштуу киши башына эң көп экономикалык жоготуулар Грецияда аныкталды. Адам башына экономикалык жоготуу Грецияда 90,6 евро, Францияда 62,05 евро, Ирландияда 42,16 евро, Италияда 41,45 евро, Бельгияда 32,68 евро, Люксембургда 21,68 евро жана Германияда 20 еврону түздү.

Киши башына эң аз экономикалык жоготуу Болгарияда 0,69 евро, Словенияда 3,65 евро, Словакияда 4,10 евро жана Швецияда 6,07 евро болду.