НАТО Европада машыгуу өткөрөт
Машыгууда ар түрдүү типтеги 60 согуштук учак колдонулат.
НАТОго мүчө өлкөлөр Европанын түндүк-батышында өзөктүк токтотуу боюнча машыгуу өткөрүшөт.
НАТОнун билдирүүсүнө караганда, жыл сайын үзгүлтүксүз өткөрүлүүчү «Steadfast Noon» аттуу машыгууда НАТОнун 14 союздашынын аба күчтөрү өзөктүк токтотуу мүмкүнчүлүктөрүн сынашат.
Чыныгы курал колдонулбай турган күнүмдүк машыгуу 17-30-октябрь күндөрү үй ээси Бельгия менен Түндүк деңиз жана Британиянын аба мейкиндигинде өткөрүлөт.
Машыгууда ар түрдүү типтеги 60 согуштук учак колдонулат.
Алардын ичинде төртүнчү жана бешинчи муундагы согуштук учактар, байкоочу учактар жана танкердик учактар болот.
Өткөн жылдардагыдай эле быйыл да машыгууда Америка Кошмо Штаттарынын (АКШ) узак аралыкка учуучу В-52 бомбалоочу учактары да колдонулат.
В-52 учактары АКШнын Түндүк Дакота штатындагы Минот авиабазасынан учат.
"Steadfast Noon" машыгуусу жыл сайын ар башка НАТО өлкөсүндө өткөрүлөт.
НАТОнун басма сөз катчысы Оана Лунгеску машыгуунун альянстын өзөктүк тоскоолдугунун натыйжалуу жана коопсуз болушун камсыздай турганын билдирди.
