НАТО өлкөлөрүнүн штаб башчыларынын жолугушуусу Таллинде болот

16-18-сентябрда Эстониянын борбору Таллинде НАТО өлкөлөрүнүн штаб башчыларынын жолугушуусу болот.

НАТОнун билдирүүсүнө караганда, НАТО Аскердик комитетинин жыйындарынын алкагында жолугушуу өткөрө турган башкы штабдын төрагалары июнь айында Мадрид саммитинде кабыл алынган коргонуу жана тоскоолдукка байланыштуу чечимдердин аткарылышын талкуулайт.

НАТОнун аскерий командирлигинин башчысы адмирал Роб Бауэрдин төрагалыгы астында өтүүчү жыйындарда НАТОнун Ирактагы миссиясынын жана Косоводогу НАТО күчтөрүнүн (KFOR) ишмердүүлүгү талкууланат.

Жыйынга НАТОго мүчө болуу үчүн арыз берген Швеция менен Финляндиянын башкы штаб башчылары да биринчи жолу конок катары катышат.

НАТОнун Аскердик комитетинин жыйындары жылына эки жолу Бельгиянын борбору Брюсселдеги штаб-квартирасында жана бир жолу союздаш өлкө тарабынан уюштурулат.