Украинанын башкы штабынын башчысы: "9 миң жоокер каза болду"
Залужный бир форумда сүйлөгөн сөзүндө украиналык балдардын согуштан улам коргоого муктаж экенин айтты.
1871053
Украинанын Башкы штабынын башчысы Валерий Залужный Орусия менен 24-февралда башталган согушта 9 миңдей украин аскеринин каза болгонун билдирди.
Интерфакстын кабарына караганда Башкы штабдын төрагасы Залужный бир форумда сүйлөгөн сөзүндө украиналык балдардын согуштан улам коргоого муктаж экенин айтты.
Залужный: «(Украиналык балдар) Чындап эле болуп жаткан эч нерсени түшүнүшпөйт жана алар сөзсүз коргоого муктаж. Анткени алардын атасы фронтко кеткен жана өлтүрүлгөн 9000ге жакын баатырдын арасында болушу мүмкүн»,- деди.
Украинанын президенти Владимир Зеленский апрель айында берген маегинде, согушта 3 миңдей украин жоокеринин курман болгонун билдирген.
