НАТО Балтика деңизинде машыгуу өткөрөт
НАТОнун билдирүүсүнө караганда, 5-17-июнь күндөрү Балтика Операциялары 22 (BALTOPS22) 51-деңиз машыгуусу өткөрүлөт.
НАТО Балтика деңизинде көптөгөн өлкөдөн ондогон согуштук кемелер, согуштук учактар жана 7 миң аскердин катышуусунда машыгуу өткөрүүгө даярданууда.
НАТОнун билдирүүсүнө караганда, 5-17-июнь күндөрү Балтика Операциялары 22 (BALTOPS22) 51-деңиз машыгуусу өткөрүлөт.
Машыгууга Түркиядан тышкары Бельгия, Болгария, Дания, Эстония, Финляндия, Франция, Германия, Латвия, Литва, Нидерландия, Норвегия, Польша, Швеция, Англия жана АКШ катышат.
Машыгууга 45 кеме, кеминде 75 учак жана 7 миңдей аскер кызматкери тартылат.
Балтика аймагында кеме жүрүү эркиндиги жана коопсуздуктун корголушу үчүн керектүү мүмкүнчүлүктөрдү күчтөндүрүүнү максат кылган машыгууда амфибия операциялары, атуу техникалары, суу астындагы кемелерге каршы операциялар, абадан коргонуу маневрлери, мина тазалоо, жарылуучу заттарды жок кылуу, айдоочусуз суу астындагы унаалар жана медициналык кийлигишүүлөр сыяктуу ар түрдүү темаларда изилдөөлөр өткөрүлөт.
1972-жылы биринчи жолу өткөрүлгөн жана жыл сайын кайталанып турган BALTOPS22 машыгуусуна быйыл Швеция кожоюндук кылат.
