SpaceX космоско дагы 53 Starlink спутнигин учурду

Америкалык ракета жана космос кемесин өндүрүүчүсү SpaceX, Starlink интернет тармагы долбоорунун алкагында космоско дагы 53 спутник жөнөттү.

«Spaceflightinsider.com» веб-сайтында орун алган кабарга караганда Starlink интернет спутник тармагынын бир бөлүгү боло турган 53 спутник, SpaceX чыгарган Falcon-9 ракетасы менен АКШнын Флорида штатындагы Cape Canaveral космос станциясынан учурулду.

Falcon-9 ракетасы Атлантика океанындагы "Just Read The Instructions" деген капитансыз кемеге конду.

Tesla жана SpaceX компанияларынын башкы жетекчиси Илон Маск спутниктер учурулгандан болжол менен 1 саат өткөндөн кийин өзүнүн Твиттер баракчасына билдирүү жасап, 53 спутниктин баарынын орбитага жайгашканын кабарлады.