Кытай Орусия менен стратегиялык кызматташтыгын бекемдейт

Кытайдын тышкы иштер министринин орун басары Ле Ючэн : «Эмне болсо да Орусия менен стратегиялык кызматташтыкты чыңдайбыз»,- деп билдирди.

Министрликтин билдирүүсүнө караганда, Ле Орусиянын Пекиндеги элчиси Андрей Иванович Денисов менен эки өлкөнүн карым-катнаштары, аймактык жана глобалдык окуялар тууралуу жолугушту.

Кытайдын мамлекет башчысы  Си Цзиньпин менен Орусиянын президенти Владимир Путиндин жетекчилигинде Кытай менен Орусиянын жаңы доор үчүн кеңири стратегиялык координация өнөктөштүгүн өнүктүрүүнү уланткандарын баса белгилеген Ле, бул кызматташтыкты ар түрдүү тармактарда тереңдетүүнү уланткандарын айтты.

Ле эки өлкөнүн ортосундагы мамилелердин маанилүүлүгүн белгилеп : «Эл аралык саясат кандай өзгөрбөсүн, Кытай Орусия менен жетишкен кызматташтык жана адамзаттын келечеги үчүн стратегиялык координацияны бекемдеп, эки өлкөнүн жалпы кызыкчылыктарын биргелеше коргоп, жаңы эл аралык мамилелерди жана жалпы коомдун курулуш колдоону улантат",- деди.

Денисов да Орусиянын Кытай менен мамилелерди өнүктүрүүнү ар дайым өзүнүн дипломатиялык алдыңкылыгы катары эсептей турганын жана эки мамлекеттин башчылары белгилеген багытта ар тараптуу стратегиялык координацияны жана көп кырдуу кызматташтыкты мындан ары да тереңдетүүгө даяр экенин билдирди.