Лавров Украинадагы согушка баа берди

Орусиянын тышкы иштер министри Сергей Лавров, Украинадагы «атайын операция» менен Америка Кошмо Штаттарынын (АКШ) жана анын көзөмөлүндөгү башка батыш өлкөлөрүнүн дүйнөдөгү гегемониясын токтотууну максат кылгандарын айтты.

«Россия-24» мамлекеттик телеканалына берген маалыматында Лавров Украинадагы согушка баа берди.

Лавров Украинадагы аскердик аракеттеринин максатын түшүндүрүп жатып:«Биздин атайын согуштук операциябыз ченемсиз экспансияны, АКШнын жана анын карамагындагы башка батыш мамлекеттеринин эл аралык аренада толук гегемония үчүн орой түшүнүгүн токтотууга багытталган»,-деп айтты.

Лавров сөз болуп жаткан гегемониянын эл аралык укуктун одоно бузулушу менен курулганына көңүл бурду.

Лавров АКШнын миңдеген километр алыстыктагы Иракта өз коопсуздугуна коркунуч туудурууда деген түшүнүк жаратканын жана бул өлкөнү бомбалаганын, андан соң эч кандай коркунуч таппай, кечирим да сурабаганын түшүндүрүп:«Неонацисттер менен ультра радикалдар океандын ары жагында эмес, биздин өлкөнүн чегинде көбөйгөндө, Пентагондун линиясында биологиялык аскердик лабораторияларды түзүп жатканда, алар биологиялык курал эксперименттерин жүргүзүп жатканда, бизге бул коркунучка реакция кылууга жол берилбейт»,-деп айтты.

Орусиянын президенти Владимир Путиндин көп жолу сүйлөшүүлөрдү тандагандарын баса белгилегенин эске салган Лавров: «Украин тарап ар бир жолу 180 градуска бурулуп турганына карабастан, биз сүйлөшүүлөрдү улантпообузга эч кандай себеп көрбөй турам»,-деди.

Украин делегациясынын өзү сунуштаган сунушун кийин өзү четке какканын белгилеген Лавров сабырдуу жана чыдамкай экендиктерин айтты.

Европа Биримдигинин (ЕБ) тышкы иштер жана коопсуздук саясаты боюнча жогорку өкүлү Жозеп Борреллдин Украинадагы кырдаалды аскердик жол менен чечүүдөн башка альтернатива жок деген билдирүүсүн сындаган Лавров, бул билдирүүлөрдүн адаттан тыш экенин жана оюндун эрежелерин олуттуу түрдө өзгөрткөнүн белгиледи.

Лавров: «Боррелл Евробиримдиктин дипломатиясын жактайт. Кандайдыр бир жаңжалдын аскерий жол менен гана чечилээрин айтууда. Бул же жекече бир нерсени жыйганын, же тили чулдураганын же ойлонбой сүйлөп жатканын көрсөтүүдө»,-деди.

Украинада Орусияга каршы провокациялар боло турганын белгилеген Лавров, орус армиясынын Бучадагы окуяларга карата хронологиялык аргументтерин видео тасмалар менен көрсөткөнүн айтты.

Лавров: «Абайлагыла, эгерде Буча бир нече жума бою элдин көңүл чордонунда болсо, алар Краматорскта бат эле тынчып калышты. Кыязы, биздин Точка-Уга ээ болбогонубуз менен катар ошол эле күнү келтирилген баллистикалык фактылардан, далилдерден кийин болду»,-деп айтты.