Конашенков орус армиясынын Украинадагы согуштагы аракеттерине байланыштуу билдирүү жасады
Конашенков орус армиясынын Киев жана Чернигов багытында милдеттерин аткарып, Украина күчтөрүнүн батыш жана борбордук аймактардан Донбасска өтүүсүнө бөгөт коюлганын белгиледи.
Орусиянын Коргоо министрлиги Украинада күйүүчү май куюлган цистерналарга жогорку тактыктагы канаттуу ракеталар менен сокку урулганын билдирди.
Орусиянын Коргоо министрлигинин басма сөз катчысы Игорь Конашенков борбор шаар Москвада жасаган билдирүүсүндө орус армиясынын Украинадагы согуштагы аракеттери тууралуу маалымат берди.
Орус армиясынын Украинада алдыга жылышын жана отурукташуу жерлерин басып алууну улантканын белгилеген Конашенков: «Днепр, Лисичанск, Чухуив жана Новомосковск облустарындагы конуштардагы күйүүчү май кампалары 30-мартта жогорку тактыктагы канаттуу ракеталар менен жок кылынды. Бул жерден күйүүчү май Донбасстагы украин аскер бөлүктөрүнө жеткирилип жаткан»,-деди.
Украинада бүгүн кечинде 52 аскерий инфраструктура объектисинин жок кылынганын белгилеген Конашенков:«Учурда жалпысынан 124 учак жана 77 тик учак, 216 зениттик-ракеталык комплекс, 341 учкучсуз учуучу аппарат (УУА), 1815 танк жана ар кандай бронетехника, 195 көп стволдуу ракета аткычтар, 762 гаубицалар жана минометтор жана 1689 жеке менчик согуштук машиналар жок кылынды»,-деп маалымат берди.
Орус аскер бөлүктөрүнүн Киев жана Чернигов багытында пландуу түрдө кайра топтолгондугун билдирген Конашенков: «Максат - приоритеттүү аймактарда иш-аракеттерди активдештирүү жана биринчи кезекте Донбассты толук эркиндикке чыгаруу операциясын аяктоо»,-деди.
Конашенков орус армиясынын Киев жана Чернигов багытында милдеттерин аткарып, Украина күчтөрүнүн батыш жана борбордук аймактардан Донбасска өтүүсүнө бөгөт коюлганын белгиледи.
Орусиянын Коргоо министрлигинин Украинадагы биологиялык лабораториялардын кызматкерлеринен АКШнын Украинадагы жашыруун аскердик биологиялык ишмердүүлүгүнө байланыштуу алынган документтерди текшерүүнү улантып жатканын белгилеген Конашенков, Киевдин өлүмгө алып келүүчү заттарды ташып, чача ала турган учкучсуз учуучу аппараттарды колдонуу планын көрсөткөн документтердин да болгону көңүлдү бурганын айтты.
Орус басма сөз катчысы: «Бул пайда болгон фактылар Киев режими Донбасстын жана Орусиянын калкына каршы биологиялык курал колдонуу мүмкүнчүлүгүн олуттуу карап жатканын далилдейт»,-деп айтты.
