Украинадагы жарандардын өлүмү, БУУнун билдирүүсү, чабуулдар...

Украина Прокуратурасынын билдирүүсүндө Орусия кол салууларды баштаган 24-февралдан бери алгачкы аныктамаларга караганда 115 баланын каза болгону, 140 баланын жараланганы жарыяланды.

Алгачкы маалыматтарга караганда, кечээ кечинде Украинанын Харьков шаарында Орусиянын бомбалоосунан 9 жаштагы бала каза болду.

Жардыруудан кийин окуя болгон жерге көптөгөн экипаждар жөнөтүлдү.

Орусиянын Украинага кол салууларынын 25-күнүнө баа берген Украина президентинин кеңешчиси Алексей Арестович: «Орусиянын бардык фронттордогу алдыга жылуусу токтотулду. Орус тараптын бул багытты артка кайтарууга күчү калган жок»,-деди.

Арестович: «Өз ара кагылышуулар уланууда, бирок биз жакшыраак согушуудабыз»,деген баасын берди.

Орусияда аскер кызматкерлерине кысымдын башталганын белгилеген Арестович, Орусиянын Федералдык коопсуздук кызматынын текшерүүлөрүнүн натыйжасында армиядагы командирлер да коркоктук жана мүнөз алсыздыгы менен айыптала баштаганын айтты.

Бир тараптан Мариуполь шаарында 400дөй адам баш калкалаган театрдын имараты орус армиясынын соккусуна кабылды.

Мариуполь шаардык кеңешинин билдирүүсүндө, Украинанын Мариуполь шаарынын Левобережный районунда баш калкалоочу жай катары колдонулган 12-театр искусство мектебинин орус армиясы тарабынан бомбаланганы белгиленди.

Билдирүүдө 400 бала, аялдар жана карылар үчүн баш калкалоочу жай катары колдонулган имараттын кыйраганы белгиленди.

Орусия-Украина согушу учурунда Украинада 847 жай тургун каза болуп, 1399 жаран жарадар болуп, кол салуулардан кийин 3 миллион 328 миң 692 качкын коңшу өлкөлөргө көчүп кеткен.

Бириккен Улуттар Уюмунун Качкындар боюнча Жогорку комиссарлыгынын кечээки билдирүүсүндө, Украинадагы баш калкалоочу кризисине байланыштуу түрдүү булактардан алынган маалыматтар бөлүшүлдү.

Буга ылайык, 24-февраль-18-март күндөрүнүн аралыгында Украинадан жарымынан көбү Польшага болгон 3 миллион 328 миң 692 баш калкалоочунун коңшу өлкөлөргө өткөнү айтылды.

Украиндер көбүнчө Польшага (2 миллион 10 миң 693), Румынияга (518 миң 269) жана Молдовага (359 миң 56) өткөнү белгиленген билдирүүдө, Донецк жана Луганск аймактарынан 18-23-февралдын аралыгында 50 миң кишинин Орусияга өткөнү маалымдалды.

БУУнун Качкындар боюнча жогорку комиссары Филиппо Гранди да бүгүн Твиттерде билдирүү жасап:"Украинадагы согуш ушунчалык кыйратуучу болгондуктан, 10 миллион адам же өз ичинде жер которду же качкын катары өлкөдөн чыгып кетти",-деди.

Европанын Ооруларды алдын алуу жана көзөмөлдөө борбору коронавирустун жаңы түрү (Ковид-19) эпидемиясына каршы күрөшүүдө украиналык качкындар келген өлкөлөрдөн аларга бекер тестирлөө жана эмдөө сунушун суранды.

Бир тараптан Украинанын Коргоо министрлигинен берилген маалыматта орус армиясынын акыркы 24 саатта 10 кол салуусунун ийгиликтүү кайтарылганы белгиленди.

Билдирүүдө акыркы 24 саатта орус армиясына таандык 13 БТР, 8 танк, 7 БМП жана 10 жүк ташуучу унаанын жок кылынганы, кечээки кагылышууларда 100дөн ашуун орус аскеринин таасирсиз кылынганы белгиленди.

Украинанын Башкы штабы 24-февралдан 20-мартка чейин орус армиясынын жоготуулары тууралуу маалымат бөлүштү.

Буга ылайык Украинага кол салган орус армиясынан 14 миң 700 аскер шейит болуп, орустарга таандык 96 учак, 118 тик учак, 476 танк, 1487 бронетехника, 230 замбирек, 74 ракета атуу системасы жана 44 абадан коргонуу системасы жок кылынды.

Орус күчтөрү да 947 унаасын, 3 ылдам жүрүүчү жеңил кайыгын, 60 күйүүчү май ташыган унаасын жана 21 учкучсуз учуучу аппаратын жоготту.

Украинанын вице-премьер-министри Ирина Верещук, Орусия армиясы менен согуш уланып жаткан Украинанын ар башка аймактарында акыркы 24 саатта 10 гуманитардык коридордон 8инин иштеп жатканын айтты.

Бул коридорлор аркылуу эвакуациялар жүргүзүлгөнүн белгилеген Верещук: «Бүгүн биз 8 гуманитардык коридор аркылуу 6623 адамды эвакуацияладык», - деди.

Мариуполь, Бервица, Буча, Богдановка, Лисичанск, Северодонецк, Рубежное жана Попасна сыяктуу калктуу конуштардагы гуманитардык коридорлордун бүгүнкү күндө иштеп жатканын белгилеген Верещук, Бородянка жана Херсондогу гуманитардык коридорлордун орус армиясы тарабынан тосулганын баса белгиледи.

Верещук ошондой эле өз өлкөсүндө орус армиясынын мүчөлөрү болгон 562 туткун бар экенин билдирди.

Ал арада Украинанын «Укрзализница» улуттук темир жол компаниясынын президенти Александр Камишин өлкөсү менен Беларустун ортосундагы темир жол байланышы токтотулганын жарыялады.

Баш кеңсеси Женевада жайгашкан дүйнө жүзүндөгү журналисттердин мыйзамдуу укуктарын жана коопсуздугун камсыз кылуу үчүн иш алып барган Press Emblem Campaign (PEC), Орусиянын кол салуулары башталгандан бери Украинада иштеген 6 чет элдик журналисттин Орусиянын чабуулдарынын натыйжасында каза болгондугун билдирди.

Орус аскерлери 24-февралда Украинага чабуул кое баштаган.