Одессада ээси түрк болгон кемеге бомба тийди

Украинанын Одесса шаарынын жээгинде ээси түрк болгон кемеге бомба тийгени жана жабыркагандардын катталбаганы маалымдалды.

Транспорт жана инфраструктура министрлигинин Деңиз башкы башкармалыгынын билдирүүсүнө караганда, Негизги издөө-куткаруу координациялык борборуна түшкөн маалыматта, Маршалл аралдарынын желеги илинген, ээси түрк болгон «Яса Юпитер» аттуу жүк ташуучу кемеге бомба тийгени айтылды. 

Кеменин жардам сурабаганы жана Румыниянын аймактык сууларына өтүп коопсуз экени кабарланды.