Тогодо кызамык оорусу

Тогонун көптөгөн аймактарында кызамык оорусу катталды.

Саламаттыкты сактоо министрлигинин билдирүүсүндө, январь айынан тарта өлкөнүн түштүгүндө жана түндүгүндө кызамык оорусу көп катталганы айтылды.

Билдирүүдө оорунун балдарда байкалып жатканы, өкмөттүн эмдөө иштерин тездеткени белгиленди.

Дүйнөлүк Саламаттыкты сактоо Уюму (ДССУ) менен Америка Кошмо Штаттарынын Ооруларды көзөмөлдөө жана алдын алуу борбору (CDC) 2021-жылдын ноябрында жарыялаган отчетто, коронавирус (Ковид-19) пандемиясынын кызамыкка каршы күрөштө жетишилген прогрессти үзгүлтүккө учуратышы мүмкүн экендиги эскертилген.

Отчетто 2020-жылы 22 миллион ымыркайдын кызамыкка каршы вакцинанын биринчи дозасын ала албаганы, бул акыркы 20 жылдын эң жогорку көрсөткүчү экендиги баса белгиленген.