Британия Иранды убакыт боюнча эскертти

Британиянын премьер-министри Борис Жонсон Ирандын өзөктүк программасы боюнча келишимге жетишүү үчүн убакыттын аз калганын билдирди.

Премьер-министрликтин билдирүүсүнө караганда, Жонсон Израилдин премьер-министри Нафтали Беннет менен телефон аркылуу сүйлөштү.

Лидерлер Австриянын борбору Венадагы Ирандын өзөктүк программасы боюнча эл аралык сүйлөшүүлөрдү, ошондой эле эркин соода келишимин жана коронавирустун (Ковид-19) Omicron варианты менен күрөштү талкуулашты.

Сүйлөшүүнүн жүрүшүндө премьер-министр Жонсон Британиянын "сүйлөшүүлөрдүн өзөктүк келишимдин толук кайра иштеши менен аякташын каалаганын" билдирди.

Бирок бул үчүн Ирандын ак ниеттүүлүк менен аракет кылышы керек экенин айткан Британиянын премьер-министри: «Дипломатиялык эшик ачык, бирок бир бүтүмгө келүүгө убакыт аз калды», - деди.