Түрк азчылыгы Дендиаска каршы чыкты...

Грециядагы түрк азчылыгынын үнү болгон Достук, Теңдик, Тынчтык партиясы (DEB) Грециянын тышкы иштер министри Никос Дендиастын шайланган муфтийлердин ордуна дайындалган муфтийлер менен жолугушуусуна каршылык көрсөттү.

Бир нече күн мурда Мерич аймагына барган Дендиас христиан дин кызматкерлерин жана дайындалган муфтийлерди кечки тамакка чакырган.

Дендиас өзүнүн социалдык медиа барагындагы бөлүшүүсүндө: «Греция ар дайым биздин христиан жана мусулман жарандарыбыздын тынчтыкта ​​бирге жашай ала тургандыгы тууралуу билдирүүнү жөнөтөт»,-деди.

Батыш Фракиядагы түрк азчылыгынын үнү DEB партиясы Грециянын тышкы иштер министринин шайланган муфтийлерди көрмөксөнгө салуусуна реакция жасады.

Дендиастын азчылыктын чыныгы өкүлдөрү менен диалогго чакырылган билдирүүдө: «Батыш Фракия Мусулман Түрк Азчылыгы тарабынан кабыл алынбаган жана диний лидерлердин квалификациясын көтөрө албаган адамдар менен жолугушуу, сиздерди биздин азчылыктын көйгөйлөрүн чечүүгө алып барбайт»,деген эскертүү жасалып, көйгөйлөрдүн чечилишин азчылыктын чыныгы өкүлдөрү менен диалог түзүү менен гана таба ала турганы баса белгиленди.

Батыш Фракиядагы Азчылык мектептеринин Кеңештери Биримдиги болсо Афинанын диний ибадаттарды чектеген жума намаз чечимин бойкоттоо чечимин чыгарды.

Жума күнү, 17-декабрда, бардык азчылыктардын башталгыч мектептерине окуучуларды жибербөөгө кеңеш берүү чечими кабыл алынды.

Греция бийлигинин автономиялык түрк азчылык мектептеринде окуучулардын жума намазга баруусуна жол бербөө үчүн сабак сааттарын өзгөрткөнү эске салынган билдирүүдө, чечимдин азчылык статусун белгилеген эки тараптуу келишимдерди бузганы белгиленди.

Биримдик укукка каршы аракеттерди токтотуу жана укуктарды узурпациялоого көңүл буруу үчүн бойкот чечиминин чыгарылганын баса белгиледи.