Лавров : "Афганистанда террористтерге курал өткөргөн каналдар жабылышы керек"

Россия Афганистанда террористтерге курал өткөргөн  каналдардын эртерээк жабылышы керектигин жарыялады.

Россиянын тышкы иштер министри Сергей Лавров борбор шаар Москвада өткөн  Көз карандысызы Мамлекеттер Шериктештигинин Чалгындоо жана Коопсуздук мекемелеринин төрагаларынын жыйынында сөз сүйлөдү.

Афганистанда, Орто Азияга карай миграция агымынын көбөйүшүнө себеп болгон адамзаттык абалдын начарлашына тоскоол болуу керектигин айткан Лавров : «Террорист жана башка экстремисттик элементтердин качкын деген аттын астында түштүк чек араларынан чыгышына байланыштуу коркуубузду бөлүшүүдөбүз. Аларга бардык аскердик куралдар жеткирилген каналдар эртерээк жабылышы керек»,- деди.

Көз карандысыз Мамлекеттер Шериктештиги, Жамааттык Коопсуздук Келишим Уюму жана Шанхай Кызматташтык Уюмунун негизинде Афганистан тууралуу кызматташууну арттыруунун маанисин белгилеген Лавров бул жагдайдын өткөн айда Душанбеде  өткөн Жамааттык Коопсуздук Келишим Уюму жана Шанхай Кызматташтык Уюмунун саммитинде каралгандыгын белгиледи.

Талибан АКШнын Афганистанда 20 жылдык аскердик күчүн чыгаргандан кийин август айында өлкөдө бийликти колго алган.