АКШнын учагынан кулаган ооган футболчусунун үй-бүлөсү учкучтардын соттолушун талап кылды

Америка Кошмо Штаттарынын (АКШ) эвакуациялык учагынан кулап каза болгон 17 жаштагы Ооганстандын өспүрүмдөр улуттук курама командасынын оюнчусу Зеки Энверинин үй-бүлөсү учкучтардын күнөөсү бар экенин жана аларды соттоо керектигин айтышты.

Зекинин 23 жаштагы бир тууганы Мухаммед Насыр Энвери борбор шаар Кабулдагы үйүндө болгон окуя тууралуу Анадолу агенттигине (АА) билдирүү жасады.

Зеки жети бир туугандын эң кичүүсү экенин белгилеген Энвери бир тууганы, АКШ жана Европа өлкөлөрү оогандыктарды эвакуациялаганы тууралуу кабарды социалдык медиадан көргөнүн жана 16 -августта жергиликтүү убакыт боюнча саат 10: 00дө Кабулдагы аэропортко барганын айтты.

Энвери Зекинин үйдөн чыккандан 2 сааттан кийин каза болгонун билишкенин жана кийинчерээк социалдык медиадан учактын түшүп калган кадрларын көргөнүн айтты.

Сөөктү бир күндөн кийин тапканын белгилеген Энвери, учактын канаттары менен конуучу шаймандарында инсандар болгонуна карабай учакты учуруп алардын өлүмүнө себеп болгондугу үчүн учкучтарды жоопко тартууну талап кылды.

Энвери бул талаптардан тышкары, АКШдан компенсация, кан акчасы же башка ушуга окшогон талапты талап кылбаганын айтты.

АКШда иштеген оогандыктарды эвакуациялоо процессинде, Ооганстандагы аскердик катышуусун токтоткон миңдеген адамдар жакшы жашоого үмүт кылып аэропортко агылды.

АКШда жана Европа өлкөлөрүндө жаңы жашоо курууну каалаган оогандардын өлкөсүнөн чыгуу процесси драмалык көрүнүштөрдүн пайда болушуна алып келди.

Ооганстандын Футбол боюнча улуттук курама командасынын оюнчусу Зеки Энвери да өлкөдөн чыгып кетүү үчүн АКШнын аскердик жүк ташуучу учагынын шассисине кирип, бирок учуп кеткенден көп өтпөй кулап түшүп каза болгон.