Дүйнө жүзү боюнча 3 миллиард 290 миллион дозадан ашык Ковид-19 вакцинасы сайылды

Дүйнө жүзү боюнча 3 миллиард 290 миллион дозадан ашык Ковид-19 вакцинасы колдонулган болсо, Түркия 55 миллион 820 миң 943 доза менен 8-орунду ээледи.

Ковид-19 вакцинасынын маалыматтары топтолгон "Ourworldindata.org" сайтына ылайык, Кытай 1 миллиард 330 миллион доза менен эң көп вакцина алган өлкө болду.

Бул өлкөдөн кийин 364 миллион 847 миң менен Индия, 331 миллион 210 миң менен АКШ, 107 миллион 630 миң менен Бразилия, 79 миллион 300 миң менен Англия, 77 миллион 890 миң менен Германия, 57 миллион 150 миң менен Франция, 55 миллион 820 миң менен Түркия, Италия 54 миллион 190 миң, Япония 52 миллион 640 миң, Мексика 47 миллион 740 миң, Индонезия 47 миллион 440 миң, Испания 44 миллион 540 миң, Россия 44 миллион 320 миң, Канада 40 миллион 190 миң, Польша 30 миллион 400 миң жана  23 миллион 430 миң менен Чили турат.