Израиль Түштүк Корея менен вакцина алмашат
Келишимдин натыйжасында Израилдин жарамдуулук мөөнөтү жакындап калган 700 миң доза BioNTech-Pfizer вакцинасын Түштүк Кореяга бере тургандыгы маалымдалды.
Израиль Түштүк Корея менен жарамдуулук мөөнөтү жакындап калган 700 миң доза BioNTech-Pfizer вакцинасын алмашуу боюнча макулдашты.
Израилдин Премьер-министрлик кеңсесинин жазуу түрүндөгү билдирүүсүндө, Израиль менен Түштүк Кореянын коронавирус (Ковид-19) вакцинасын алмаша тургандыгы айтылды.
Келишимдин натыйжасында Израилдин жарамдуулук мөөнөтү жакындап калган 700 миң доза BioNTech-Pfizer вакцинасын Түштүк Кореяга бере тургандыгы маалымдалды.
Анын ордуна болсо Түштүк Кореянын сентябрь жана октябрь айларында BioNTech-Pfizerден ала турган 700 миң доза вакцинаны Израилге жөнөтө турганы билдирилди.
Израиль 18-июнда жарамдуулук мөөнөтү жакындап калган Ковид-19 вакциналарын Палестина менен алмаштырууга макул болгон.
Келишимге ылайык, Израиль Палестинага 1 миллиондон ашуун BioNTech-Pfizer вакциналарын жеткирмек.
Анын ордуна болсо Палестинанын BioNTech-Pfizerден сентябрь жана октябрь айларында ала турган вакциналар Израилге жөнөтүлмөк.
Палестина жетекчилиги 18-июнда Израиль тарабынан бериле турган вакциналардын жарактуулук мөөнөтү кыска убакытта бүтөт деген негизде келишимди жойгон болчу.
