Иранда 5 баллдык жер титирөө болду

Ирандын түштүк-батыш тарабындагы Фарс провинциясынын Баба Монир районунда күчү 5 баллга жеткен жер титирөө болду.

Тегеран университетинин сейсмология борборунун маалыматы боюнча, эпицентри Фарс провинциясынын Баба Монир району болгон жер титирөө жергиликтүү убакыт боюнча саат 01: 05те катталды.

Жер титирөөнүн жердин  10 чакырым тереңдигигнде болгондугу билдирилди.

Өлкөнүн маалымат каражаттарынын билдиришинче, Фарс жана Кохгилуйе Буйер  Ахмед провинцияларында сезилген жер титирөөдө өлүм  - житим же  материалдык чыгымдын болуп же болбогондугу  тууралуу  азырынча эч кандай маалымат бериле элек.