Чыгыш өлкөлөрүндө Ковид-19 көрсөткүчтөрү

Коронавирустун жаңы түрүнөн (Ковид-19) көз жумган адамдардын саны дүйнө жүзү боюнча 1 миллион 537 миңге жакындады. Вирус менен ооругандардын саны 66 миллион 993 миңден, ал эми айыккандардын саны 46 миллион 367 миңден ашты.

Индияда Ковид-19дон улам каза болгон адамдардын саны 140 миң 268ге, ал эми жуктургандардын саны 9 миллион 651 миң 626га жетти.

Россияда акыркы 24 саат ичинде вирустан каза болгон адамдардын саны 457ге көбөйүп, 43 миң 141ге жетти. Ушул эле мезгилде 29 миң 39 кишиден Ковид-19 табылган өлкөдө, оорулардын саны 2 миллион 460 миң 770ке көбөйгөн. Кечээ борбор калаа Москва шаарында Ковид-19га каршы массалык эмдөө башталды.

Ковид-19 эпидемиясынын кесепетинен акыркы 24 саатта 294 адам каза болгон Иранда жалпы адам өлүмү 50 миң 310го чейин көбөйдү, ал эми жуккан адамдардын саны 11 миң 561ге көбөйүп, 1 млн 40 миң 547ге жетти.

Түндүк Кипр Түрк Республикасында Ковид-19 чараларынын алкагында, 8-23-декабрь аралыгында акыркы 3 күндүн ичинде терс ПЦР тест жыйынтыгын берген шартта, өлкөгө киргендердин бардыгы 7 күндүк карантинге туш болушат.

Ковид-19 пайда болгон Кытайда вирустун айынан 4 миң 634 адам каза болду, акыркы 24 саатта Ковид-19дан улам жоготуулар болгон жок. Оорунун саны 18ге көбөйүп, 86 миң 619га жетти.

545 адам каза болгон Түштүк Кореяда 631 жаңы Ковид-19 учуру аныкталды жана жуктуруп алгандардын саны 37 миң 546га жетти.

Африка континентинде эпидемиядан улам каза болгондордун саны 53 миң 655, ал эми жуктуруп алгандардын саны 2 миллион 263 миң 118 болду.

Континентте Ковид-19дан эң көп жоготуулар Түштүк Африкада 22 миң 67 өлүм менен катталды. Египетте 6 миң 750 адам, Мароккодо 6 миң 184 адам каза болду.

Сейшел жана Эритреяда вирустан өлүм катталган жок.

Түштүк Африка Республикасында оорулардын саны 810 миң 449га чейин көбөйгөн. Бул өлкөдөн кийин 376 миң 738 учур менен Марокко, 118 миң 14 учур менен Египет келди.

Эпидемиянын айынан Индонезияда 17 миң 589 жана Иракта 12 миң 411 адам каза болду.